قصة_حمزة
4
وصلت لمغرب ممشيت لحتى بلاصة ديريكة لخيرية شافوني تصدمو راجع واقف وفشكل مكين لا سلام لا هلاوي فين هيا حورية من لخر لي تنسولو تيقوليا سير سول لأخر دخلت عند لمسؤلة قلت ليها فيناهسا حورية قالت ليا ولدي شوف راه حورية خرجات شهرين هادو من هنا ومعرفتش فين مشات و أنا نشعل على ديلمهم بديت غير تنسب كيفاش يخرجو بنت د 18 عام لزنقا ويامات لبرد كنت غنقتل شي واحد غادي خارج نقلب عليها خديت تصويرتها من تما بزز تيباليا واحد خونا شاد تيلي ديالي وأنا نوقف عليه مع قلت ليه شكون عطاه ليك بدا تيتمتم وأنا نحيدو ليه مزال فيه نمرتي خرجت مشيت كريت طوموبيل بديت تنضور تنقلب بديت بالكوميساريات صبيطارات خيريات ديال كازا مخليت فين مشيت وليت لي تنتلاقاه تنوريه تصويرتها حتى فقدت لأمال نلقاها رجعت لأطيل حتى قاديت حياتي وبغيت نجي نديها عاد غبرات زهرنا مكوز من نهار لي تولدنا فيه دبا عرفة علاش تيقولو لينا ولاد لحرام قلت بلي غندوز شي يوماين هنا و غادي نمشي لديك لفرقة لي غنلعب معاهم بداو يستاعدو لموسم وخاصني نمشي دوزت نهار لول تما غير دوران وتقلاب تاني نهار تاني بقيت غير فدار عيييت و معول غدا نرجع منين جيت داخل تندوش حتى تنسمع تيليفون تيصوني وماشي ديالي خارج تنجري تيباليا تيليفون لي طنت عطيتو ل حورية وتتباليا نمرة برانية جاوبت سلام تنسمع صوتها حورية وخا مبدل شويا
قلت ليها حورية فينك مخليت فين قلبت عليك
قالت ليا حمزة هدا كيفاش واش رجعتس على قبلي قلت ليها أه كيفما قلت ليك
قالت ليا حمزة غير نساني
قلت ليها علاش ؟
قالت ليا نتا تعطلتي بزااف وهوما جراو عليا من تما وطراولي شي حوايج مقديتش نصبر عليهم تما وضحكو عليا شي ناس داوني لبلاد أخرى ومنعاودش ليك ندمانة بزاف تما حسن ب 1000 مرة تمنيت كون زربتي شويا وجيتي قبل
قلت ليها حورية شوفي أنا عطيتك وعد بلي غنرجع نتي هيا عائلتي لوحيدة هنا وجيت دبا قولي ليا فين نتي وغنجي نجيبك ؟
قالت حمزة ولله معارفا لمهم لباس ديالهم خليجي مني جابوني وأنا خدام عندهم و تيضربوني حيت متنبغيش ندير معاهم داكشي لي تيبغيو ودبا تندوي من تيليفون ديال دار قلت ندوي مع أي واحد تما وطلعتيلي نتا دبا غيشوفوني تندوي فتيليفون غادي نقودها تاني وبدات تتبكي
قلت ليها حورية متبكيش غادي نجي منقدرش نخليك وشوفي قطعي لا يشوفك شي واحد أنا جاي ليوم ولا غدا توحشتك بزاف لمهم قطعي دبا
قالت ليا صافي وقطعات .
سولت بعدا على ديك دولة لي عندها دوك لأرقام لي معيطالي منهم هيا قاو ليا سعودية مشيت تنجري ل واحد لمكتبة قريبة خديت دليل ديال هاتف ديال سعودية بديت تنقلب من صفحة لوا شي ساعة وصرف باش لقيت ديك نمرة فرياض و حتى لعنوان كين قررت نمشي واحد ليوماين و أنا تنتسنى لوراق و ضور مع هدا وهدا و بزز باش مشبت فنهار تالت وصلت تما و عارف بلاد أخرى هاديك وماشي أي بلاد ومتقدش تمس سعودي و نتا مغربي هو عاطياه دولة ديالو قيمة كبيرة أنا دولة ديالي لا عندهم هانية وخا نموت هنا غيقولو ليهم حرقو ديلمو تما هانية خاصني نفكر كيفاش نخرجها من تما شديت طاكسي من لمطار عطيتو لعنوان حطني قدام داك لقصر قدامو وهو يسولني سيكيريتي مع نزلت شنو باغي قلت ليه باغي نخدم ...
(يتبع)
ليست هناك تعليقات:
إرسال تعليق