قصة_حمزة
2
وصلت للخيرية دخلت بقيت بارك مع حورية شويا مقديتش نقوليها بلي غنمشي لبلاد أخرى حتى سولاتني شنو طرى فلماتش ليوم عاودت ليها بلي لعبت مزيان وعزلني لمدرب باش نمشي معاه لبرازيل نحتارف وهيا تجمع ضحكة ،
وقالت ليا و أنا هادا هو سؤال لي ملاقيش ليه جواب بدات تتبكي
قلت ليها شوفي إلا بقينا بزوج هنا شي نهار غيجريو علينا ومعمرنا غتكون عندنا شي حياة زوينة أنا غادي غير نقاد وراقيا تما ومنخليكش نهار واحد أخر هنا .
بقات تتبكي بقيت تندوي معاها واو مبغاتش تفهم ماشي ساهل إنسان عايش معاك كتر من 15 عام باش جات هيا دبا ولكين هيا مزال صغيرة وبنت مغتفهمش لمسؤولية لي على كتافي أنا قلت ليها بلي غتبقا هنا تنرجع ليها وبلي مغيوقع والو لغد ليه مشيت لعند داك خونا قادينا لوراق لكونطرا كلشي مقاد درنا غدا غنمشي رجعت لخيرية مع ديك 2 جمعت حوايجي دخلات حورية من لمدرسة قلت ليها غدا غنمشي ومديت ليها تيليفوني قلت ليها خليه عندك بنمرتو غير نوصل تما غدا نشوف تيليفون و نعيط ليك قالت ليا عارفا هادشي ماشي لخاطرك مغنزيدش عليك لمهم لله يجيبك على خير عنقتها ومشيت عند دراري واحد واحد وصيتهم يقيسها شي واحد نشد أول طيارة نحر ديلمو ونرجع معرفتش كيفاش داز داك نهار حتى وصلات وقيتي باش نخرج غادي خارج أول مرة نخرج من لخيرية ومن لخيرية لبرازيل مقودة ولكين مخلي تقريبا ختي صغيرة هنا كانت فلمدرسة ديك ساعة مشيت لعند خونالقيتو تيتسناني فطوموبيل هو وشي زوج دراري ركبت معاه من تما لمطار غادين وهو يقول لينا يمكن هاز معايا دبا شي لعاب كبييير فلمستقبل شكون عرف بقى طالقها وصلنا لمطار طلعنا فديك طيارة شحااال باش وصلنا لبرازيل كنت تنتسنى غير إمتى نوصلو ونشوف كيف داير لجو تما و تيتيز و نعيط على حورية ندوي معاها وصلنا لتما دانا خونا لواحد لبلاصة بحال لمدرسة نسكنو تما ولونطريما وكلشي جريتو لبعييد وطلبتو على شي تيليفون قاليا مرحبا وهو يمد ليا واحد لأيفون 4 وعطاني باش نشري كارطة وقاليا خرج جيبها منها تعرف لبرازيل كيف دايرا قاليا لأغلبية تيعرفو لإنجليزية خرجت تنجري لواحد لحانوت و ربع ساعة وأنا تنشرح ليه شنو باغي عطاني لكارطة ركبتها شارجيتها عيطت على نمرتي وهيا تجاوبني
قالت ليا شكون معايا
قلت ليها شكون غيكون البليدة حمزة هدا
قالت ليا وصلتي
قلت ليها أه أول حاجة درتها هيا عيطت ليك نسول فيك ياك هانية نتي موقع والو ؟
قالت ليا أه موقع والو ولكين لجو فشكل هنا ونتا مكينش موحال نقدر نولف
قلت ليها حورية دبا نرجع و نحاول فأقرب وقت إنشاء لله ونتي مزال صغيرة يعني مزال غتبقاي فلخيرية حتى نرجع .
قطعت رجعت لداك نادي شرح لينا لمدرب بلي عندهم شي دوري ديال لفراقي صغار وبلي تيطلعو لفرقة لكبيرة على حساب نقاط ونقاط تقدر تجمعهم كل ما ماركيتي فهاد لي فيها حنا دبا ديال صغار ورانا فين نعسو فين ندوشو فين غنبقاو نترينيو و عطانا فلوس إلا بغينا نتسركلو ولا ناخدو شي حاجة أنا مجايش هنا نتسركل ولا نتفجج جاي هنا نقاد وضعيتي ونرجع نجيب لبنت لي منقدرش نخليها بوحدها تما بدات لونطريما ولماتشات ديال دوري صغار كل ماتش تنماركي كل ماتش لقليلة بيت واحد تنتقاتل د بصح وخا جاتني صعيبة فلول ودراري لي جاو معايا من لمغرب عياو ورجعو ولكين أنا معندي فين نرجع بقيت صابر ولفت داكشي و تتصبرني غير حورية كل ليلة تنعيط ليها وتنقوليها بلي قريب نرجع ما جا يسالي داك لعام حتى كنت أنا تاني فدراري فالأهداف ولكين صدموني مني معزلونيش ملي غيطلعو معرفتش علاش حيت كنت يلاه مكمل 19 ولا حيت أنا من دولة أخرى داك سيد لي جابني بقى تيطلب فالمسؤول والو مبغاش قاليا لعام لماجي كتاب عليا عام أخر ديال لخدمة تاني هادشي طرى لوقت تيدوز طيارة وبدا لموسم تاني و حورية كملات 17 عام وأنا 20 بدات تتشكا ليا من دراري لي دخلو جداد تما و بدات تتشكى جيت تعطلت بزاف هادشي كان تيخليني نخدم كتر وتيعاوني مع لبداية ديال لموسم أنا لول وبقيت أنا لول باش هاد لمرة منخلي ليهم فين يدويو مكين لا باص لا والو تنشد بالون تنطلع نماركي قرب يسالي لموسم وفايت لي من ورايا ب 4 لبيوت دري لي من ورايا جرائري عملاااق ومن زهري خديت حمرة فلماتش لي قبل من لخر ومخلاونيش ندخل فلخر كنا أصلا رابحين فنقاط ولكين أنا كنت خايف لا داك لولد يماركي كتر من 4 لبيوت ويولي هو لول غادي نتخور فشهوور و سنين ديال تمارة ونولي تاني ويديروي شي سبب تاني بدا لماتش خونا داخل سخون أنا غير تنتفرج مع لبديت خونا ماركا بيت من صونطر دقية 20 ماركا تاني و 35 ماركا 3 و مع 40 ماركا 4 بقا ليه بيت واحد ويتقاد معايا أنا قلت صافي مشيت فيها ولكين من لأحسن نطلبو إلا بغا يعاملني خليتهم حتال بين لأشواط و وقفت عليه ...
(يتبع)
ليست هناك تعليقات:
إرسال تعليق